|
بسم الله
الرحمن الرحيم
Akkaataa Hajjii Jalqabni maqaa Rabbii Rahmata
qabuuti
Faaruun tan
Rabbii tokko teheeti kan dalagaa hajjii nuuf kannee saniin
sadarkaa teenya nuuf alkaaseeti akkasuma Ergamaa keenya nabi Muhammad, aalii
isaa, sahaaboota isaatii fii ummata isaa gaggaarii hundarratti nagayaa fii
Rahmanni haajiraatu Waa hunda dura duursee nageenyi Rabbii oltaherraa qindaawe
isin hundarratti haajiraatu Tanatti aansuudhaan wanni arra isiniif irraa
qopheeysine waanuma yero wajjiin demaati saniis hajjiidha Akkuma namu beekutti
sadarkaa hajjiin qabduu fii saawaaba isiin qabduus Hajjiin dirqama nama islaamaa
irra jiru kan
Rabbiin horii kannef hunda akkuma Rabbiin
qur’aana keessa je’etti Rabbiratti tahee jira namni dandeye hajjii godhuun]
akkasuma aayaa biraa keessatti [hajjii fii umraa guuttadhaa Raqbbiif dirqamni
hajjii nama Rabbiin fayyaa kannee fii qabeenya kanneef hundarrattuu jira, osoo kana har kaa qabuu waajibni hajjii isarraa
hin kufu
Hajjiin utubaa shanan diina islaamaa irraa takka akkuma hadiisatti
Ergamaan Rabbii(صلى الله عليه وسلم ) nuuf
himanitii “islaamummaan bu’ura shanirraati
jaaramti haqaan gabbaramaan Rabbi malee hin jiru Muhammad(صلى الله عليه وسلم ) ergamaa isaatii, salaata salaatuu, soomana soomanuu, zakaa baafachuu
fii yoo dandayan hajjii godhuu”
Yaa obboleeyyan islaamaa eega wanni
dhaabbataa takka bu’uraan malee hin dhaabbanne islaamummaan teenyaas bu’ura
Rabbiin oltahe irratti jaarerratti dhaabatti saniis akkuma hadiisa dabree kana
taha tanaafuu bui’irri diin islaamaa Keenyaa akka lafatti gadi
dhaabbatauuf
waan shanan Rabbiin lafa nuf kaaye kana
hojjachuu qabna. Akkuma beekkamu salaataa fii soomana namuu irra hedduun ilma
namaa itti nihojjata garuu tan zakaatii fii hajji tun irra hedduu namaa birati
nama Rabbiin laafiseef malee kana hojjatu hin argamu sababaa fedhii lubbuu
isaanii jala deemuutii fii dooynummaa lubbuu isaanii
qabachuutiin akka waan dirqamni salaatumaa fii somanaa qofa tehetti
Yaa obboleeyyan
islaamaa dirqama Rabbii yoo kan hin hojjanne taane irraa gaafatamuun Kenya
guyyaa adiidha. Islaamummaa teenya gad jabeeyfachuuf utuubaa isii hunda akka Rabbiin oltahe nuun je’etti gadi
jabeeyfachuu qabna Eega waajibummaa hajjii beeynee ifirratti fudhannee boodaa
sadarkaa isiin qabduhoo beeytuu? Sadarkaan hajjiin qabdu sadrkaa hagana ja’amtuu
miti sanirraa waan Rabbiin nuuf laaffise laallamee Ergamaan Rabbii (صلى الله عليه وسلم ) nije’e “namni hajjii godhe kan achi keessatti hamtuu hin dalagin
akkasuma kan warra isaatii waliin hin rafin akka waan garaa haadha isaatii
bahetti deebi’a dilii irraa” Akkasuma hadiisa biraatti Ergamaan
Rabbii(صلى الله عليه وسلم ) nije’e “Rabbiin guddaan malaykota isaattiin dhaadata warra arafa
dhaabbatuun Rabbiin oltahe nija’a isaan kun natti dhufan haala mataan isaanii
faaggaa qaamni isaanii dhukkeetiin akkasuma Rabbiin nija’a yaa malaaykoota kiyya
ragaan isin godhadha ummata kana akkaan dilii isaanii araaramef” Akkusuma
hadiisa biraa keessatti Ergamaan Rabbii(صلى الله عليه وسلم ) nije’e “ keessummaan Rabbii sadihi warra hajjii, warra umraatii fii
warra karaa Rabbii keessatti duula deemu” Akasuma hadiisa biraa keessatti
ergamaan Rabbii (صلى الله عليه وسلم ) nije’e “ hajjii fii umraa walitti aansaa dalagaa isaan lamaan kun
miskiinummaa namarraa dhabamsiisani akka buufaan ibiddaa dandiisibiilaa irraa
buusutti” Akkasii yaa obboleyyan islaamaa warren Rabbiin dandeeysise hajjii
haagoonuu Arraaf tan hajjii asumarratti dhaabnaa barnoota isii wal faanaan
isiniif dhiheeysina yoo Rabbiin fedhe. |
