Jalqabni maqaa Rabbii rahmata qabuuti

Galanni kan Rabbii oltaheeti kan nu’uumee waan gaggaarii hunda nuuf kannee akka nuti kheeyrii adda addaa dalagannuuf nagayaa fii rahmanni ergamaa keenya Muhammadirratti haajiraatu sanirraan kan fayyaa nuuf kannee rizqii nuuf kannee akka fayyaa fii rizqii saniin kheeyrii itti dalagannu kheeyrii saniin jannata arkannu san keessaa takka dalagaa hajjiiti akkuma beekkamu torbaan dabre waajibummaa isiitii fii sadarkaa isiin qabdu dubbachuu keenya akka yaadattan abdii keenya sanitti aansuudhaan eega hajjiin waajiba nurra tahuu beeynee sadrkaa isiin qabduus beeynee akkamiti hajjii san goona waan ja’urraa laallaa yoo Rabbiin oltahe nuun fedhe
Yaa obboleeyyan keenya: kan qabuus Rabbiin laaffiseefii haageeysu kan hin qabnees itti kannee isaan haageeysuu akkaan yaadutti namni islaamaa kan hajjii dhaquu hin feene nijira je’ee hin yaadu haalumaa fii bikkumaatu nama rakka taha malee dhugaadha kan qabu nidhaqa kan hin qabnees fuuldura Rabbiin yeroo itti kanne dhaqa hundumaafuu kan amma dhaqqufii kan fuuldura yoo Rabbiin fedhe dhaquus akkaataa itti dhaqanii godhan barachuun dirqama nucufaati maaliif jannaan hujii takka hojjachuu fii waan takka jachuu dura akkamitti hojjaanaatu dura waan san barachuutu dura
Tanaafuu barnoota hajjii durarraa hanga dhumaatti walfaana yoo Rabbiin nuuf laaffise isiniif dhiheeysuudhaaf hawwii qabna Rabbiin nuhaa gargaaru Dalagaan hajjiidhaa arkaanaa fii waajibaata qabdi akkasuma waan achi keessatti dalaguun dhoorkaatii fii tan dhoorkaa hin tahiniitu jira Hunda dura waan nama hajjii godhuuf dan dayamuu fii tan hin dandayamne laallaa

Nama Hajjii hidhaturratti Waan Dhoorkaa

Waan dhiiraa fii dhalaaratti Dhoorkaa:-Rifeensa ifirraa haaduu ykn gabaabsuu, Qeensa cirachuu , Shittoo dibachuu, Fuudhuu ykn Heerumuu, Qaadhimachuu, namaaf nikhaa godhuuHaadha mana ofii waliin rafuu fii Bineenssa alloollachuu bineenssa baharaa malee

Kan dhiira qofarratti dhoorkaa

Rifeensa hagooggachuu waan isatti maxxanuun Imaamata, Koofiyaa fii K.K.F
Hucuu hodhaa, Qamisa, Khofoo fii K.K.F
Kophee cufaa hin uffatu yoo da’as dhabe male.
Wanni inni uffatu :- ansoolaa ykn huccuu banaa , marxoo fii da’as ykn kophe banaa

Waan Dhalaarratti dhoorkaa

.Guwaantii (shurraaba harkaa) fii niqaaba Ergamaan Rabbii (صلى الله عليه وسلم ) ni je’e: “Dubartiin shurraaba harkaatii fii niqaaba fuulaa hin uffattu.”Hadiisa kana Bukhaariitu gabaase.Eega kana ifirraa eey-nee booda dalagaa hajjiitti sienna iinshaa’allaah

Arkaana Hajjii

Arkaanni Hajjii 4

1-hidhachuu 2- arafa dhaabbachuu 3- safaa fii marwa jidduu fiiguu 4- ka’abaadhaan xawaafuu

Waajibaata Hajjii

Waajibaanni hajjii 7

1-Hidhachuu
2-Arafa dhaabbachuu hanga aduun dhiitutti guyyaa 9^ffaa
3-Muzdalifa buluu
4-Boolloo guddoo darbachuu guyyaa iidaa
5-Rifeensa cirachuu 6-Halkan ayyaamu tashriiq sadeen Mina buluu (11, 12, 13) 7-ka’abaan naannawuu (xaawaafuu) xawaafa dhaammannaa (Xawaaful wadaa'a)

Bakka warri hajjii deemu yeroo biyya isaatii ka’e irraa hidhatu

1-Juhfa (Warra Shaamiif) Makkarraa (186Km) fagaatti
2-Zulhuleeyfaa (Warra Madiinaatiif) Makkarraa (480Km) fagaatti
3-Yalamlam (Warra Yamaniif) Makkarraa (120Km) fagaatti
4-Qarnal Manaazil (Warra baddaatiif) Makkarraa (78Km) fagaatti
5- Zaatu'irqi (Warra Iraaqiif) makka irraa (100Km) fagaatti

akkuma armaan olii kana warri karaa kanarra dhufu hundi asirraa hidhata fkn nuti warri oromiyaa ykn kenyaa karaa biyya yamanirra waan dabarruuf bakka warri yaman irraa hidhatanirraa hidhanna san Yalamlam akka yeroo hedduu arkamu namni hedduun biyya keessaa ka’urraa dirraa xayyaaraa irraa hidhatan san sirriidhaa miti bikka Ergamaan Rabbii (صلى الله عليه وسلم ) karaa godherraa hidhachuutu barbaachisaadha
obboleyan islaamaa barnoonni hajjiidhaa asirratti hin dhumne yoo Rabbiin nuun fedhe hanga dhumutti tartiibaan isiniif dhiheeysina arraaf asumarratti dhaabnaa warra Rabbiin horii itti kannee ifiifiis hajjii godhee haadhaa abbaa isaatiis goosisu nuhaa godhu warra horii itti kannee waajiba Rabbii dagatu nuhin godhin
Namni yaada biiftuu islaamaatiif qabdan yoo jiraattan sanduuqa aali yaasir keessa jirutti kannadhaa ykn msn fii E-mail maxxansa gubbaa jiruun kannachuu nidandeeysan