|
بسم الله
الرحمن الرحيم
Dhukkuba qalbiitii fii
dawaa isii Jalqabni maqaa Rabbii Rahmata qabuuti
Faaruun tan
Rabbii nu’uumee islaamummaa nuuf kannee qur’aana nuuf buuseeti, jiraachisaa fii
ibsaa qalbii teenyaa kan tahe, nagayaa fii rahmanni ergamaa keenya
Muhammadirratti haajhiraatu
Nagayaa fii rahamanni
Rabbii isinirratti haajiraatu
Itti fufa torbaan dabree Akkuma
torbaan dabre dubbannee bira dabarretti akka qalbiin ilma namaa bakka sadihitti
qoodamtu sanirraa qalbii nagayaa qalbii dhukkubsattuu fii qalbii duutuudha,
sadeenirraa takka dubbannee bira dabarre san qalbii fayyaa qabdu Arra yoo
Rabbiin nuun fedhe lameen hafte itti dubbanna
Qalbii duutuu
Qalbiin duutuun tan jiruu hin qabne
maqaa malee isiin Rabbii isii hin beeytu waan aduniyaa tanarratti uumamteefiis
hin beeytu, ajaja Rabbiitiin Rabbi hin gabbartu, guutummattuu waan Rabbi
jaalachiisaa hin daleeydu isiin waanuma fedhiin lubbuu isaa jatteen jala deema osoo waan Rabbii isaa dallansiisullee taatee yoo
fedhuma
Yoo lubbuu isaatiin gammade waan takkarraahuu haajaa hin
qabu wanni inni dalage san Rabbi jaalachiiftuu ykn Rabbi dallansiiftuu. Namni
akkasii duraanuu waan biraati gabbara Rabbii gaditti, jaalalaan sodaadhaan,
khajeellaadhaan, gudisuudhaan, xiqqeenya mataa isaa irratti baadhatee, dallansuu
Rabbii isaa fudhatee, namni akkasii san yoo waa jaalatees fedhuma lubbuu
isaatiif jaalata yoo jibbees fedhuma lubbuu isaatiif jibba, yoo waa kannatees
fedhuma lubbuu isaatiif kannata, yoo dhoorkatees fedhuma lubbuu isaatiif
dhorkata namni kun fedhuma lubbuu isaati filatee jaalala gooftaa isaa
irra.
Nama akkasii warra fedhiin lubbuu isaa duree taateefi, warra
wallaalli bakka qubatu taheefi, warra dagamiinsa yaabbii godhate Waan qalbiin
isaa duutuu taateef kheeyruma takka hin dhageeyu, hin arku, hin dalagu.
cufuma
dhukkubsataa sheeyxaanaa jala deema, jaalalti
isaa cufti duniyaa qofa, waanuma hamtuu hundaatu isa jaalachiisa fedhiin lubbuu
isaa isa dhamaaftee, dliin inni dalagu isa duuchitee waan hamtuu malee Nama
tokkootu maalje’e seetan “way ajaa’iba ummata keenyaa nama qaamni isaa
du’erratti booyan kan osoo qaamaan jiruu qalbiin du’erratti hin booyan”
Yaa
obboleeyyan islaamaa maaluma halaakni dilli kun kan qalbii namarattii ajjeesee
Rabbii waliin walsidhoorkee azaabatti booda si’aansu? Qalbii duutudha namni
hundi qalbiin isaa akkam akka taate ifbeeka namni osoo qaamaan jiruu qalbiin
duute ifumaaf ifitti haabooyuu osoo qaamaan jiruu haa gara Rabbii isaa deebi’uu
haa qalbii isaa wal’aannatuu Rabbiin qalbii duutu irraa nagaya nuhaa
baasuu
Qalbii dhukkubsattuu
Qalbiin dhukkubsattuun tan jiruu qabdu
garuu tan dhukkuba qabdu yeroo yerotti jijjiiramti sanumarraa tan yeroo garii
iimaanaa, jaalala Rabbii, Rabbiif waan hunda qulqulleeysuu, Rabbirratti irkachuu
fii waan gaggaarii hedduu walitti qabatti, tuni yeroo fayyaa qabdu akkasuma
yeroo garii fedhii lubbuu isaa waan hunda caalchisee filachuu, namaf quudhuu
dhabuu, ol’aantummaa jaalachuu, lafa tana keessatti badii hojjachuutu
isajaalachiisa tuni yeroo dhukkubsatte. irraa
nuhaatiiysuu
Dhukkuba qalbii
Boona
Boonni irra hamaa dhukkuba qalbiiti
kan kara irraa sibaasu kan booddees ibiddatti sigalchu boonni kun girdoo haphii
qalbii irra taa’u tan abbaan ifirratti hin beeyne tan gabrichaa fii jidduu
iimaanaa dhaabbatu tan namni hedduun itti halaakamu kan haqa fudhachuu irraa
sidhoorku Garuu aslitti boonni akka ati namaa ol taate sitti fakkeeysa nama
tuffaachuu fii haqa fudhachuu diduu sitti gadi dhiisa
Osoo if quba hin qabne
namarrattiin boona
ani nama hundaa oli ani nama hundarra beekadha
osoo ja’uu karaa Rabbii irraa baha haqa fudhachuu diduudhaan sababaa ani namaa
oli akkamittiin nama naa gadii irraa fudhadha ja’uutiin
Boonni kun dura dilii uumaan Rabbii dalagdeeti ammaan dura kan
ibliis boonarraa ajaja Rabbii godhuu dide akkuma qur’aana keessa dhufetti [(mee
yaadadhu) yeroo nuti malaaykaadhaan aadamiif sujuuda jannu nisujuudan ibliis
malee inni booneeti dide akkasitti warra kafre irraa tahe] Rabbiin itti aanse
maal ja’een akka boonni nama tokkoof hin malle isaaniif hime [ achi keessaa bu’i
achitti boonuun sin hin mallee bahi ati warra
xiqqaaterraahi]
yaa
obboleeyyan islaamaa boonni akka itti namaa gad nama godhu akka itti nama
xiqqeysu aayata kanarraahu ni’arkanna boonni aduniyaa aakhiratti nama galaafata
aduniyaa irratti xiqqeenya sitti buusee aakhiratti jannata nama hongeeysa akkuma
hadiisatti nuuf dhufe Abdallaa ibn Mas’uud irraa odeeyfamee nije’e ergamaan
Rabbii (n.r.i.h) nije’e “nama qalbii isaa keessa boonni hanga firii raafuu takka
jiru jannata hin seenan” yeroo tana namni tokko ergamaa Rabbii (n.r.i.h)
gaafatan namni huccuun isaatii fii kobeen isaa bareedduu tahuufii jaalataati
akkami ? ergamaan Rabbii (n.r.i.h) akkana je’ee deebiseef “Rabbiin oltehe
bareedaadha waan bareedaa jaalata bona jachuun haqa diduudha nama
tuffachuudha”
If
dhaaduu
If dhaaduun
waan akkaan hujii gabrichaa duraa balleysaati dhaadannoon akka ati ilma namaatti
dilooytu sikakaafti osoo ati quba hin qabne dilii keessa sifageeysiti ati ammoo
sehaa lubbuun tee sitti fakkeeysiteen dhaadachu jirta, ati waanuma laaftuu seeta
dilittuu hin hisaabdu san qofaahuu miti ibaadaa hojjachaa baate cufa
dhaadannoodhaan ifduraa balleeysita akka nama Rabbirratti himatuutti waan
daleeyde san Rabbii si qananiiseef waan hin daleeyne san hunda siif laaffise
irraanfattee akka waan dan deeytii teetiin hojjateetti ittiin dhaadata dilii
Rabbiin sirratti barreeysu irraanfatee waan Rabbiin si godhuuf taa’u dagatee
akka waan ifumaaf aduniyaa tana bulchuutti gabroottan Rabbii irratti humna
keetiin, qabeenya keetiin, beekkoomsaa keetii fii dalagaa teetiin
dhaadatta kun cufti
waan nama halaaku irraahi
Yaa obboleeyyan islaamaa fayyaa Rabbiin namaaf
kennu, horii Rabbiin namaaf kannuu fii beekkomsa Rabbiin namaaf kannuuf jannee
akkamitti namatti dhaadanna? Kan boru akka fedhe nugodhuu dandayu kan amriin
takka harka keenya hin jrreef, haa if tiiysinuu waan akkanaa tanarraa qalbii
tenya dhukkuba akkanaa hundarraa haa wal’aannuu
Dawaa dhukkuba isii
Yaa obboleeyyan
islaamaa eega qalbiin dhukkuba qabdu halaakni isii akkanatti guddaa tahe dawaan
isii kan halaaka kana jalaa itti bahan maal hatahu? Yaa obboleeyan islaamaa eega
dawaa qalbii teetiitii fii fayyaa te feete waan hunda dura gara Rabbii keetii
deebi’I badii ati duraan irra jirtu yaadadhuu san hundarraa deebi’I taawbaa
kadhadhu eegasii waan duraan dalagaa turte san itti hin deebi’in
Dhugaa
dubbachuu, toltuu heddumeeysuu fii sunnaa salaatuu guddisi kana yeroo hojjattu
Rabbumaaf qulqulleeysi du’aa’ii guddisi zikrii godhuu guddisi iznii Rabbiitiin
nifayyitaa Kharaa diriiraa hawaasaa islaamatii waliin seenii jiraadhu Lubbuu
teetiin itti boluli badii sheeyxaanni itti sigeeysaa ture san hundarraa
fagaachuudhaaf fedhii lubbuu tan haraam hundarraa ilma namaa kan kheeyrii irraa
sidagu hundarraa Rabbiin nuufii dardara islaamaa hunda dhukkuba qalbii irraa
nuhaatiiysu akkasuma shammarran islaamaatii fii hawaasaa islaamaa
hunda. |
